Araba, Bizkaia, Gipuzkoa eta Nafarroako 38 ekoizlek osatzen duten hegazti-kooperatibak kalitatezko baserriko arrautzak bermatzen ditu.

Lehen Sektorearentzat gogorra den garai honetan, Euskaber hegazti-kooperatiba egiten jakitearen adibide bikaina da. Kooperatiba osatzen duten Araba, Bizkaia, Gipuzkoa eta Nafarroako 38 baserritarrek filosofia bera dute, balio hauetan oinarritua: KM 0 ekoizpena, abeltzainaren bizi-kalitatea, animalien ongizatea eta ingurumenarekiko errespetua.

Printzipio horiei esker, baserritarrek produkziorik onena lor dezakete, bezeroei arrautzarik onenak eskaintzeko, bai osasunaren aldetik, bai ahosabai zorrotzenen aldetik.

Hori lortzeko, Euskaberren ekoizpen-katearen fase guztien ardura hartzen dute, hasieratik amaieraraino, kudeaketa, sailkapena, ontziratzea eta merkaturatzea barne.

Kooperatibaren beste apustuetako bat da inguruko ekoizleak biltzen dituela, familia-kontziliazioa eta gizonen eta emakumeen arteko berdintasuna sustatuz.

Kooperatibaren proiektuak, era berean, familia-nekazaritza bultzatzen du, eta bizimodua, gauzak egiteko modua, tradizioak, paisaia... mantentzen ditu, landa-eremua zaintzen lagunduko duen hegazti-eredu jasangarri baten pean. Euskaberrek iraunkortasun hori ikuspegi integral batetik ulertzen du: iraunkortasun ekonomikoa, ingurumenekoa eta soziala.

Eta hori guztia helburu bakar batekin, kalitate handiagoko baserriko arrautzak guztion eskura egotea.